Тошкент вилоятида бош мутахассис, Бухорода эса архитектор пора билан ушланди.

Merci ! Partagez avec vos amis !

Vous avez aimé cette vidéo, merci de votre vote !

Ajoutées 9 mois by

16 Vues

Давлат хавфсизлик хизмати Тошкент вилоятида бош мутахассисни, Бухорода эса архитекторни пора билан ушлади. Бу ҳақда ЎзА хабар берди.

Тошкент вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси бош мутахассиси маҳаллий тадбиркор томонидан Ўртачирчиқ туманида қурилган 3 қаватли савдо мажмуаси биносини фойдаланишга қабул қилиб бериш ва бошқа ҳужжатларини тегишли ташкилотларда ишловчи танишлари орқали ҳал қилиб беришни ваъда қилган. У эвазига 12 минг АҚШ доллари талаб қилган. У сўралган пул маблағидан 10 минг АҚШ долларини олдиндан олган вақтида ушланган.

Шунингдек, “Ўзбекистон шаҳарсозлик бўйича лойиҳалаш илмий-тадқиқот институти” архитектори ўз хизмат мавқеидан фойдаланиб, Бухоро Қурилиш ва уй-жой коммунал хўжалиги бош бошқармасидаги танишлари орқали, Бухоро шаҳрида қурилиш фаолияти билан шуғулланувчи МЧЖга тегишли 8 сотих ер майдонида бино-иншоотлар қурилиши учун лойиҳа-смета ҳужжатларини тайёрлашга ёрдам беришга 5 минг АҚШ доллари талаб қилган. У ҳам сўралган пул маблағини олган вақтида қўлга олинган.

Эслатиб ўтамиз, аввалроқ, 30 январь куни жиноят ишлари бўйича Мингбулоқ туман судининг раиси Ш.С. 2 000 АҚШ доллари миқдорида пора олаётганида қўлга тушганди.